» செய்திகள் - விளையாட்டு » தமிழகம்
தூத்துக்குடிக்கு வந்தே பாரத் உள்பட புதிய ரயில் சேவை : ரயில்வே அதிகாரியிடம் பயணிகள் நலச் சங்கம் மனு!
வியாழன் 28, மே 2026 3:35:46 PM (IST)
தூத்துக்குடி - சென்னை இடையே புதிய வந்தே பாரத் ரயில் உள்பட 9 அம்சக் கோரிக்கைகளை நிறைவேற்ற வேண்டும் என்று ரயில் பயணிகள் நலச் சங்கம் சார்பில் கூடுதல் கோட்ட ரயில்வே மேலாளரிடம் மனு அளிக்கப்பட்டுள்ளது.
இது தொடர்பாக தூத்துக்குடி மாவட்ட பயணிகள் நலச் சங்க நிர்வாகிகள் தெற்கு ரயில்வேயின் மதுரை கோட்ட அலுவலகத்தில், கூடுதல் கோட்ட ரயில்வே மேலாளர் வி. பிரசன்னாவை நேரில் சந்தித்து, தூத்துக்குடி மக்களின் நீண்டகால ரயில்வே கோரிக்கைகள் அடங்கிய மனுவை அளித்தனர்.
- தூத்துக்குடியில் இருந்து காலையில் மதுரை அல்லது திருச்சி அல்லது போடிநாயக்கனூருக்கு நேரடி ரயில் இயக்கப்பட வேண்டும். அப்படி இயக்கப்படும் போது, தூத்துக்குடியிலிருந்து காலை 08:30 மணிக்கு புறப்படும் வாஞ்சி மணியாச்சி ரயிலை ரத்து செய்ய வேண்டும்.
- மேட்டுப்பாளையம் ரயில் தினசரி ரயிலாக மாற்றம்: வண்டி எண். 16765-16766 தூத்துக்குடி - மேட்டுப்பாளையம் - தூத்துக்குடி வாராந்திர இருமுறை ரயிலைத் தினசரி ரயிலாக மாற்ற வேண்டும். அவ்வாறு இயக்கப்படும் போது, தூத்துக்குடியிலிருந்து இரவு 10:45 மணிக்கு புறப்படும் வாஞ்சி மணியாச்சி ரயிலை ரத்து செய்யலாம்.
- வந்தே பாரத் ரயில் சேவை: தூத்துக்குடி - சென்னை இடையே புதிய வந்தே பாரத் ரயில் இயக்கப்பட வேண்டும்.
- பாலக்காடு ரயிலில் குளிர்சாதனப் பெட்டிகள் இணைத்தல்: வண்டி எண். 16791/16792 தூத்துக்குடி - பாலக்காடு - தூத்துக்குடி விரைவு ரயிலில் இரண்டு அடுக்கு குளிர்சாதனப் பெட்டி (2 Tier AC) ஒன்றும், மூன்று அடுக்கு குளிர்சாதனப் பெட்டி (3 Tier AC) ஒன்றும் கூடுதலாக இணைக்கப்பட வேண்டும்.
- முத்து நகர் அதிவிரைவு ரயிலில் கூடுதல் பெட்டி: வண்டி எண். 12693-12694 தூத்துக்குடி - சென்னை - தூத்துக்குடி முத்து நகர் அதிவிரைவு ரயிலில் இரண்டாம் வகுப்பு படுக்கை வசதிப் பெட்டி (Sleeper Class) அல்லது மூன்று அடுக்கு குளிர்சாதனப் பெட்டி (3 Tier AC) ஒன்றை நிரந்தரமாக இணைக்க வேண்டும்.
- மதுரை - சென்னை ரயில் தூத்துக்குடி வரை நீட்டிப்பு: வண்டி எண். 22623-22624 மதுரை - சென்னை வாரமிருமுறை ரயிலைத் தூத்துக்குடி வரை நீட்டித்து, அதனைக் தினசரி ரயிலாக மாற்ற நடவடிக்கை எடுக்க வேண்டும்.
- மும்பை எக்ஸ்பிரஸ் ரயில் நீட்டிப்பு: வண்டி எண். 22101/22102 மதுரை - லோக்மான்ய திலக் (மும்பை) - மதுரை வாராந்திர விரைவு ரயிலைத் தூத்துக்குடி வரை நீட்டிக்க வேண்டும்.
- மைசூர் ரயில் வருகை நேரம் மாற்றம்: வண்டி எண். 16236 மைசூர் - தூத்துக்குடி விரைவு ரயில், தூத்துக்குடிக்குக் காலை 09:30 மணிக்குள் வந்து சேரும் வகையில் அதன் நேரத்தை மாற்றியமைக்க வேண்டும்.
- திருநெல்வேலி - கன்னியாகுமரி ரயில் நீட்டிப்பு: வண்டி எண். 56707-56708 திருநெல்வேலி - கன்னியாகுமரி - திருநெல்வேலி ரயிலைத் தூத்துக்குடி வரை நீட்டிக்க வேண்டும்.
இச்சந்திப்பில் தூத்துக்குடி மாவட்ட பயணிகள் நலச் சங்கச் செயலாளர் மா. பிரமநாயகம், துணைத் தலைவர் எஸ். அந்தோணி முத்துராஜா நிர்வாகச் செயலாளர் ஜே.ஏ.என். ஆனந்தன் ஆகியோர் கலந்துகொண்டு தூத்துக்குடி மாவட்ட ரயில் பயணிகளின் தேவைகளை விவரித்தனர். மனுவைப் பெற்றுக்கொண்ட கூடுதல் கோட்ட மேலாளர் வி. பிரசன்னா, கோரிக்கைகளை விரைவாகப் பரிசீலித்து உரிய நடவடிக்கை எடுப்பதாக உறுதியளித்தார்.
மக்கள் கருத்து
ஹென்றிமே 30, 2026 - 10:11:48 AM | Posted IP 172.7*****
மிகவும் சரியான கோரிக்கைகள். ஆனால் ரயில்வே நிர்வாகம் செவிடன் காதில் சங்கு ஊதும் கதைதான். தூத்துக்குடி திருவனந்தபுரம் தினசரி ரயில், தூத்துக்குடி மதுரை காலை மாலை டெமோ ரயில் மற்றும் தூத்துக்குடி கன்னியாகுமரி காலை மாலை என இரு மார்க்கங்களில் தினசரி ரயில் விட வேண்டும்.
Babuமே 30, 2026 - 09:40:45 AM | Posted IP 172.7*****
yen normal train itta track la odatha ilai athula ukkara paduka seat irukatha ?pothu makkalai karuthula vachu manu kudukanum vb already kollai ticket ithula vb than ottanuma sleeper kammi pannitu ac vachu ticket fare jasthiya vandiya otitu irukanuga athulam ungaluku theriyatha photo varanum nu ithu mathiri panuvangala manunu onnu kudutha kadasila yelai vara athu use fulla irukanum summa vilamparam
எந்த பயனும் இல்லைமே 29, 2026 - 10:32:38 AM | Posted IP 172.7*****
இவர்களின் ஒருத்தர் ஏற்கனவே கண்ணுமுழியிடம் மனு கொடுத்தார், பாவம், ஆனால் கண்ணுமுழியோ சிரிசிட்டே ஆய்வு னு சொல்லி எங்கயாச்சும் போச்சு, அடிக்கடி ஊர் சுற்றும் அரசியல்வாதிகளுக்கு விமான நிலையம் மட்டும் கண்ணனுக்கு தெரியுதாம், ஆனால் கஷ்டப்பட்ட மக்கள் கண்ணனுக்கு தெரியாதாம், இனி திருட்டு திராவிட குடும்பத்தில் மனு கொடுத்தாலும் எந்த பயனும் இல்லை.. இனி எத்தனை நாட்களாக அலையனும்??
Augustine Joseph Wமே 29, 2026 - 09:40:49 AM | Posted IP 162.1*****
மிகவும் சிறந்த கோரிக்கைகள். இவைகளை விரைவில் செயல்படுத்த ஆவண செய்ய வேண்டும்.
அருப்புக்கோட்டை ரயில்பாதை, ஆறுமுகநேரி வரையிலான புதிய ரயிலபாதை திட்டங்களை துரிதப்படுத்த வேண்டும்.
மேலும் தொடரும் செய்திகள்
திருச்செந்தூர் கோயில் சிறப்பு நிரந்தர தபால் முத்திரை : அஞ்சல்துறை சார்பில் வெளியீடு
சனி 30, மே 2026 5:31:15 PM (IST)
ஆலங்குளம் அருகே 6 பேருக்கு அரிவாள் வெட்டு: மார்க்சிஸ்ட் கம்யூனிஸ்ட் கட்சி கண்டனம்!
சனி 30, மே 2026 5:23:02 PM (IST)
வட மாநிலத்தவர்களுக்கு மகளிர் உரிமைத்தொகை வழங்கல் - அமைச்சர் மரிய வில்சன் தகவல்!
சனி 30, மே 2026 4:21:11 PM (IST)
எம்எல்ஏக்களை விலைபேசும் தவெக: குதிரை பேரத்தை தடுக்க ஆளுநரிடம் அதிமுக அவசர மனு!
சனி 30, மே 2026 3:46:21 PM (IST)
திருச்செந்தூர் கோவிலில் ஆய்வு : அமைச்சர் ரமேஷுக்கு அனிதா ராதாகிருஷ்ணன் எம்எல்ஏ கண்டனம்!
சனி 30, மே 2026 12:09:48 PM (IST)
நடிகர் அஜித் குமாரின் தாயார் மோகினி மறைவு : முதல்வர் ஜோசப் விஜய் இரங்கல்
சனி 30, மே 2026 11:57:20 AM (IST)
சிறுவனிடம் பாலியல் அத்துமீறல் - போக்சோவில் கைதான தலைமை காவலர் அதிரடி பணிநீக்கம்!
சனி 30, மே 2026 10:58:28 AM (IST)
Sponsored Ads
தூத்துக்குடிக்காரன்மே 30, 2026 - 11:55:28 AM | Posted IP 162.1*****