» செய்திகள் - விளையாட்டு » மாவட்ட செய்தி (கன்னியாகுமரி)
காரங்காடு அருகே அழுகிய நிலையில் ஆண் சடலம் மீட்பு: போலீசார் விசாரணை!
திங்கள் 16, மார்ச் 2026 4:32:43 PM (IST)
இரணியல் அருகே ஏழு நாட்களுக்கு முன்பு உயிரிழந்த நிலையில் அழுகிய ஆண் சடலத்தை மீட்டு போலீசார் விசாரித்து வருகின்றனர்.
குமரி மாவட்டம் இரணியல் காவல் நிலைய எல்லைக்குட்பட்ட காரங்காடு, மொட்டவிளை பகுதியைச் சேர்ந்தவர் பச்சைமால். இவரது மகன் தர்மலிங்கம் (51). இவர் தனது வீட்டில் தனியாக வசித்து வந்ததாகக் கூறப்படுகிறது. இந்நிலையில், கடந்த சில நாட்களாக தர்மலிங்கத்தின் வீட்டிலிருந்து கடுமையான துர்நாற்றம் வீசியுள்ளது.
இதனால் சந்தேகமடைந்த அக்கம் பக்கத்தினர், உடனடியாக அவரது உறவினர்களுக்குத் தகவல் தெரிவித்தனர். உறவினர்கள் வீட்டிற்குள் சென்று பார்த்தபோது, தர்மலிங்கம் தூக்கில் தொங்கிய நிலையில் சடலமாகக் கிடந்ததைக் கண்டு அதிர்ச்சியடைந்தனர். அவரது உடல் அழுகிய நிலையில் காணப்பட்டது.
தகவலறிந்து சம்பவ இடத்திற்கு வந்த இரணியல் போலீசார் முதற்கட்ட விசாரணை நடத்தினர். உடல் புழுக்கள் அரித்து, துர்நாற்றம் வீசியதால், தமிழ்நாடு முஸ்லிம் முன்னேற்றக் கழகத்தின் (தமுமுக) மருத்துவ அணிச் செயலாளர் அசார் தலைமையிலான குழுவினர் வரவழைக்கப்பட்டனர். அவர்கள் சடலத்தை மீட்டு, தமுமுக ஆம்புலன்ஸ் மூலம் ஆசாரிபள்ளம் அரசு மருத்துவமனைக்கு அனுப்பி வைத்தனர்.
தர்மலிங்கம் உயிரிழந்து சுமார் ஏழு நாட்கள் இருக்கலாம் எனப் போலீசார் சந்தேகிக்கின்றனர். இச்சம்பவம் குறித்து இரணியல் போலீசார் வழக்குப்பதிவு செய்து, தற்கொலைக்கான காரணம் குறித்துத் தீவிர விசாரணை மேற்கொண்டு வருகின்றனர்.
மக்கள் கருத்து
மேலும் தொடரும் செய்திகள்
நாகர்கோவில் எக்ஸ்பிரஸ் ரயிலில் 8 கிலோ கஞ்சா பறிமுதல்: மர்ம நபர்களுக்கு போலீஸ் வலைவீச்சு!
ஞாயிறு 15, மார்ச் 2026 10:41:22 AM (IST)
பசுமை சாம்பியன் விருது, தலா ரூ.1 லட்சம் ரொக்கப் பரிசு: ஆட்சியர் அழகுமீனா வழங்கினார்
சனி 14, மார்ச் 2026 5:27:34 PM (IST)
கன்னியாகுமரி மாவட்டத்திற்கு புதிய ரயில் சேவைகள், மாற்றங்கள்: பயணிகள் கோரிக்கை
வெள்ளி 13, மார்ச் 2026 5:27:51 PM (IST)
ஆர்ப்பாட்டத்தில் தனித்து நின்ற தமிழக வெற்றிக் கழக நிர்வாகிகள்: நாகர்கோவிலில் சலசலப்பு!
வியாழன் 12, மார்ச் 2026 5:31:45 PM (IST)
வளைகுடா நாடுகளில் போர் பதற்றம்: தமிழக மீனவர்களை மீட்க விஜய் வசந்த் எம்.பி. மனு!
வியாழன் 12, மார்ச் 2026 12:27:28 PM (IST)
பள்ளி தாளாளரிடம் ரூ.10.5 கோடி நில மோசடி: தந்தை, மகன் மீது வழக்குப்பதிவு!
வியாழன் 12, மார்ச் 2026 8:33:05 AM (IST)
வணிக சிலிண்டர் தட்டுப்பாடு: குமரியில் 5,000 உணவகங்கள் மூடும் அபாயம்!
புதன் 11, மார்ச் 2026 8:36:32 PM (IST)
