» செய்திகள் - விளையாட்டு » மாவட்ட செய்தி (கன்னியாகுமரி)
சீர்மரபினர் நலவாரியத்தில் நலதிட்ட உதவிகள் பெற விண்ணப்பிக்கலாம் : ஆட்சியர் தகவல்
வியாழன் 20, ஜூன் 2024 4:06:22 PM (IST)
தமிழ்நாடு சீர்மரபினர் நலவாரியத்தில் உறுப்பினராக சேர்ந்து நலத்திட்ட உதவிகள் பெற விண்ணப்பிக்கலாம் என்று கன்னியாகுமரி மாவட்ட ஆட்சியர் பி.என்.ஸ்ரீதர் தெரிவித்துள்ளார்.
இதுகுறித்து ஆட்சியர் வெளியிட்டுள்ள செய்திக்குறிப்பில், "பிற்படுத்தப்பட்டோர் நலத்துறை அமைச்சர் அவர்களை தலைவராகவும், இராசா.அருண்மொழி அவர்களை துணைத் தலைவராக கொண்டு தமிழ்நாடு சீர்மரபினர் நல வாரியம் சீரிய முறையில் செயல்பட்டு வருகிறது. இவ்வாரியத்தில் பதிவு பெற்ற உறுப்பினர்களுக்கு விபத்து ஈட்டுறுதி திட்டத்தின் கிழ் உதவித்தொகை, இயற்கை மரணத்திற்கான உதவித்தொகை, ஈமச்சடங்கு செலவிற்கான உதவித்தொகை, கல்வி உதவித்தொகை, திருமண உதவித்தொகை, மகப்பேறு உதவித்தொகை, மூக்குக் கண்ணாடி செலவுத்தொகை ஈடு செய்தல், முதியோர் ஓய்வூதியம் ஆகிய நலத்திட்ட உதவிகள் கடந்த 2008 ஆம் ஆண்டு முதல் வழங்கப்பட்டு வருகிறது.
மேற்படி நலத்திட்ட உதவிகள் பெற 1) சீர்மரபினர் இனத்தைச்சார்ந்தவர்கள் 2) 18 வயது முதல் 60 வயதுக்கு மிகாமல் உள்ளவர்கள் 3) அமைப்பு சாரா நிறுவனங்களில் பணிபுரியாத குடும்பத்தில் ஒருவர் (அமைப்பு சாரா தொழில், நிலமற்ற விவசாய கூலி, உடலுழைப்பு தொழிலில் ஈடுபட்டுள்ள) இவ்வாரியத்தில் உறுப்பினராக பதிவு செய்து நலத்திட்ட உதவிகள் பெற விண்ணப்பங்கள் வரவேற்கப்படுகின்றன.
மேலும், ஏற்கனவே உறுப்பினராக பதிவு செய்தோர்கள் தங்கள் உறுப்பினர் பதிவினை விரைவில் புதுப்பித்துக்கொள்ள மாவட்ட ஆட்சியர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரை தொடர்பு கொள்ள கேட்டுக் கொள்ளப்படுகிறது. இவ்வாறு மாவட்ட ஆட்சியர் பி.என்.ஸ்ரீதர் தெரிவித்தார்.
மக்கள் கருத்து
மேலும் தொடரும் செய்திகள்
17 வயது நர்சிங் மாணவிக்கு குழந்தை பிறந்தது: மாணவன் மீது போக்சோ வழக்கு
செவ்வாய் 22, அக்டோபர் 2024 8:11:23 PM (IST)
தோவாளை ஊராட்சி ஒன்றிய பகுதிகளில் ஆட்சியர் ஆர்.அழகுமீனா ஆய்வு!
செவ்வாய் 22, அக்டோபர் 2024 12:28:15 PM (IST)
மக்கள் குறைதீர்க்கும் நாள் கூட்டத்தில் நலதிட்ட உதவிகள் : ஆட்சியர் வழங்கினார்!
திங்கள் 21, அக்டோபர் 2024 5:03:10 PM (IST)
கனிமம் பிரித்தெடுக்கும் திட்டத்துக்கு எதிர்ப்பு: கடற்கரை கிராமங்களில் மனித சங்கிலி போராட்டம்
திங்கள் 21, அக்டோபர் 2024 10:59:56 AM (IST)
போதைப்பொருட்களை பயன்படுத்த வேண்டாம்: ஆட்சியர் ஆர்.அழகுமீனா அறிவுரை!
சனி 19, அக்டோபர் 2024 3:30:45 PM (IST)
நீதிமன்றம் தடை உத்தரவு : திற்பரப்பில் சுற்றுலா மேம்பாட்டு பணிகளை தடுத்து நிறுத்திய போலீசார்!
சனி 19, அக்டோபர் 2024 11:29:53 AM (IST)
குமரி மாவட்டத்தில் ஒரே பதிவு எண்ணில் 3 அரசு பஸ்கள் இயக்கம்? தமிழக அரசு விளக்கம்
வெள்ளி 18, அக்டோபர் 2024 8:01:50 PM (IST)
