» செய்திகள் - விளையாட்டு » உலகம்
பாகிஸ்தானில் பெட்ரோல், டீசல் தட்டுப்பாடு: பள்ளிகளுக்கு 2 வாரம் விடுமுறை அறிவிப்பு!
செவ்வாய் 10, மார்ச் 2026 4:53:28 PM (IST)
மத்திய கிழக்கு நாடுகளில் நிலவி வரும் போர்ச் சூழல் காரணமாக, பாகிஸ்தானில் கடும் எரிபொருள் தட்டுப்பாடு ஏற்பட்டுள்ளது. இதனைச் சமாளிக்கப் பள்ளிகளுக்கு விடுமுறை மற்றும் அரசு அலுவலகங்களுக்குக் கட்டுப்பாடுகளை விதித்து அந்நாட்டு அரசு உத்தரவிட்டுள்ளது.
ஈரான் மீது அமெரிக்கா மற்றும் இஸ்ரேல் நடத்திய தாக்குதலைத் தொடர்ந்து, மத்திய கிழக்கில் போர் பதற்றம் அதிகரித்துள்ளது. குறிப்பாக, கச்சா எண்ணெய் போக்குவரத்திற்கு முக்கியப் பாதையான ஹார்முஸ் ஜலசந்தி (Strait of Hormuz) பகுதியை ஈரான் மூடியுள்ளது. இதனால் ஆசிய நாடுகளுக்குக் கச்சா எண்ணெய் விநியோகம் செய்வதில் பெரும் நெருக்கடி ஏற்பட்டுள்ளது.
பாகிஸ்தானில் பெட்ரோல், டீசல் மற்றும் எல்.பி.ஜி சிலிண்டர்களுக்குக் கடும் தட்டுப்பாடு நிலவுகிறது. இதனைச் சமாளிக்க எரிபொருட்களின் விலையை பாகிஸ்தான் அரசு அதிரடியாக உயர்த்தியுள்ளது. பெட்ரோல் லிட்டருக்கு 55 ரூபாய் உயர்த்தப்பட்டு, 321 ரூபாய்க்கு விற்பனை செய்யப்படுகிறது. டீசல் லிட்டருக்கு 55 ரூபாய் உயர்த்தப்பட்டு, 335 ரூபாய்க்கு (பாகிஸ்தான் ரூபாய் மதிப்பில்) விற்பனை செய்யப்படுகிறது.
எரிபொருள் பயன்பாட்டைக் குறைப்பதற்காகப் பிரதமர் ஷபாஸ் ஷெரீப் பின்வரும் அவசர கால உத்தரவுகளைப் பிறப்பித்துள்ளார். அதன்படி: நாடு முழுவதும் உள்ள அனைத்துப் பள்ளிகளும் வரும் 16-ஆம் தேதி முதல் 2 வாரங்களுக்கு மூடப்படும். கல்லூரிகள் மற்றும் பல்கலைக்கழகங்கள் ஆன்லைன் மூலம் வகுப்புகளை நடத்த அறிவுறுத்தப்பட்டுள்ளது.
அரசு ஊழியர்களுக்கு வழங்கப்பட்டு வந்த எரிபொருள் சலுகை 50% ரத்து செய்யப்பட்டுள்ளது. 50 சதவீத ஊழியர்கள் வீட்டிலிருந்தே பணிபுரிய (Work from Home) உத்தரவிடப்பட்டுள்ளது. வங்கிகள் தவிர மற்ற அரசு அலுவலகங்கள் வாரத்திற்கு 4 நாட்கள் மட்டுமே செயல்படும். தனியார் நிறுவன ஊழியர்களும் வீட்டிலிருந்தே பணியாற்ற அனுமதி வழங்குமாறு அந்நாட்டு அரசு கேட்டுக்கொண்டுள்ளது.
மக்கள் கருத்து
மேலும் தொடரும் செய்திகள்
ரஷிய ஏவுகணைத் தாக்குதலில் 4 இந்தியர்கள் பலி: இந்திய வெளியுறவுத்துறை கடும் கண்டனம்
செவ்வாய் 21, ஜூலை 2026 12:42:30 PM (IST)
உக்ரைன் தலைநகர் மீது ரஷ்யா நள்ளிரவில் ஏவுகணைத் தாக்குதல்: ஒருவர் பலி; 16 பேர் காயம்!
திங்கள் 20, ஜூலை 2026 5:01:30 PM (IST)
துபாய் இந்தியத் துணைத் தூதரகம் தற்காலிகமாக மூடல்: பாஸ்போர்ட், விசா சேவைகள் நிறுத்தம்!
வெள்ளி 17, ஜூலை 2026 12:53:31 PM (IST)
ஈரான் தாக்குதலில் இந்தியர் மரணம் : கப்பல் நிறுவனங்களுக்கு மத்திய அரசு அதிரடி உத்தரவு!
வியாழன் 16, ஜூலை 2026 12:37:58 PM (IST)
ஹோர்முஸ் தாக்குதலில் இந்திய மாலுமி பலி: ஈரானுக்கு மத்திய அரசு கண்டனம்!
செவ்வாய் 14, ஜூலை 2026 4:20:43 PM (IST)
ஈரானைக் கற்காலத்திற்குக் கொண்டு வந்துவிட்டோம்: அமெரிக்க அதிபர் டிரம்ப் அதிரடி அறிக்கை!
செவ்வாய் 14, ஜூலை 2026 12:11:48 PM (IST)
ஈரானுக்கு ஆதரவாக களம் இறங்கிய ரஷியா: அதிநவீன உளவு விமானத்தை அனுப்பினார் புதின்!
செவ்வாய் 14, ஜூலை 2026 8:33:19 AM (IST)
Sponsored Ads
