விமானப்படை பயிற்சிதளத்தில் பயங்கரவாதிகள் தாக்குதல்: 9பேரை சுட்டு கொன்ற பாக். ராணுவம்!

» செய்திகள் - விளையாட்டு » உலகம்

விமானப்படை பயிற்சிதளத்தில் பயங்கரவாதிகள் தாக்குதல்: 9பேரை சுட்டு கொன்ற பாக். ராணுவம்!

ஞாயிறு 5, நவம்பர் 2023 10:27:13 AM (IST)

பாகிஸ்தானில் விமானப்படை பயிற்சிதளம் மீது பயங்கரவாதிகள் தாக்குதல் நடத்தினர். ராணுவம் நடத்திய பதிலடி தாக்குதலில் 9 பேர் சுட்டு கொல்லப்பட்டனர்.

பாகிஸ்தானின் பஞ்சாப் மாகாணம் மியான்வாலியில் விமானப்படை பயிற்சிதளம் அமைந்துள்ளது. இங்கு நேற்று ராணுவ வீரர்கள் வழக்கமான பயிற்சியில் ஈடுபட்டு கொண்டிருந்தனர். அப்போது சில பயங்கரவாதிகள் அங்கு நுழைந்தனர். அவர்கள் அங்கு பயிற்சியில் ஈடுபட்ட ராணுவ வீரர்கள் துப்பாக்கிச்சூடு நடத்தினர். இதில் அதிர்ஷ்டவசமாக ராணுவ வீரர்களுக்கு எந்த பாதிப்பும் ஏற்படவில்லை.

எனினும் பயங்கரவாதிகள் நடத்திய தாக்குதலில் பயிற்சிதளத்தில் இருந்த 3 விமானங்கள் சேதம் அடைந்தன. இதனையடுத்து ராணுவத்தினர் அவர்களை சுற்றி வளைத்து தாக்குதலில் ஈடுபட்டனர். இந்த துப்பாக்கிச்சூட்டில் 9 பயங்கரவாதிகள் கொல்லப்பட்டனர். பின்னர் அவர்களிடம் இருந்து துப்பாக்கி, வெடிகுண்டு உள்ளிட்ட பல்வேறு ஆயுதங்கள் பறிமுதல் செய்யப்பட்டன.

பலுசிஸ்தான், பஞ்சாப் ஆகிய மாகாணங்களில் நடந்த பயங்கரவாத தாக்குதல்களில் 17 பேர் கொல்லப்பட்ட சில மணி நேரங்களுக்கு பிறகு இந்த தாக்குதல் நடந்தது குறிப்பிடத்தக்கது. எனவே பயங்கரவாதிகளை கண்காணிப்பதற்காக அதனை சுற்றியுள்ள பகுதிகளில் ஏராளமான ராணுவ வீரர்கள் குவிக்கப்பட்டு உள்ளனர்.

விமானப்படை பயிற்சி தளம் மீதான இந்த தாக்குதலுக்கு தெஹ்ரீக்-இ-தலீபான் என்ற பயங்கரவாத அமைப்பு பொறுப்பேற்றுள்ளது. இதற்கு பாகிஸ்தான் இடைக்கால பிரதமர் அன்வாருல்-ஹக்-கக்கர் கடும் கண்டனம் தெரிவித்துள்ளார். இதுகுறித்து அவர் வெளியிட்ட அறிக்கையில், நாட்டின் பாதுகாப்பை குறைமதிப்பிற்கு உட்படுத்தும் எந்தவொரு முயற்சியையும் ராணுவம் முறியடிக்கும் என கூறப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

விமானப்படை பயிற்சிதளத்தில் பயங்கரவாதிகள் தாக்குதல்: 9பேரை சுட்டு கொன்ற பாக். ராணுவம்!

» செய்திகள் - விளையாட்டு » உலகம்