கரோனாவுக்கு இந்த ஆண்டே முடிவு கட்டலாம்: உலக சுகாதார அமைப்பு தலைவர் நம்பிக்கை!

» செய்திகள் - விளையாட்டு » உலகம்

கரோனாவுக்கு இந்த ஆண்டே முடிவு கட்டலாம்: உலக சுகாதார அமைப்பு தலைவர் நம்பிக்கை!

செவ்வாய் 25, ஜனவரி 2022 11:04:25 AM (IST)

உலக நாடுகள் விரிவான நடவடிக்கை எடுத்தால் கரோனாவுக்கு இந்த ஆண்டே முடிவு கட்டலாம் என்று உலக சுகாதார அமைப்பு தலைவர் கூறியுள்ளார்.

2019-ம் ஆண்டு இறுதியில் சீனாவில் கரோனா வைரஸ் முதன்முதலில் கண்டறியப்பட்டது. அதன்பிறகு இந்தியா உள்பட உலக நாடுகள் முழுவதும் பரவியது. 2 ஆண்டுகளுக்கு மேலாக கரோனாவின் ஆதிக்கம் நீடித்து வருகிறது. டெல்டா, ஆல்பா, பீட்டா, காமா என்று உருமாறிய கரோனா, ஒமைக்ரான் வைரசாகவும் உருமாறி உள்ளது. டெல்டாவை விட வேகமாக பரவக்கூடியது என்பதால், ஒமைக்ரான் தொற்றால் உலகம் முழுவதும் மூன்றாவது அலை வீசி வருகிறது.

இந்தியாவில் ஒமைக்ரான் தொற்று, சமூக பரவலாக மாறிவிட்டதாக மத்திய அரசு அறிவித்துள்ளது. நோய் எதிர்ப்பு சக்தியும் அதிகரித்து வருவதால், ஏப்ரல் மாதத்துக்குள் கரோனாவுக்கு முற்றுப்புள்ளி வைக்கப்பட்டு விடும் என்று மருத்துவ நிபுணர்கள் கணித்துள்ளனர். இதுபோல், உலக சுகாதார அமைப்பின் தலைமை இயக்குனர் டெட்ராஸ் அதனம் கெப்ரிசியசும் இந்த ஆண்டுடன் கரோனா முடிவுக்கு வந்து விடும் என்று கூறியுள்ளார்.

உலக சுகாதார அமைப்பின் செயற்குழுவின் 150-வது அமர்வு நேற்று நடைபெற்றது. அதில், டெட்ராஸ் அதனம் கெப்ரிசியஸ் பேசியதாவது: கரோனாவை ஒழித்து கட்டுவதில் பிராந்திய, தேசிய, சர்வதேச ரீதியாக உலக சுகாதார அமைப்பு தொடர்ந்து பணியாற்றி வருகிறது. நாடுகளுக்கு தேவையான ஆதாரங்கள், வியூகங்கள் மற்றும் தொழில்நுட்ப உதவி அளித்து வருகிறது.

நாடுகள் இந்த வியூகங்களை பயன்படுத்தி, விரிவான நடவடிக்கை எடுத்தால், நாம் இந்த ஆண்டிலேயே கரோனாவுக்கு முடிவு கட்டலாம்.கரோனாவில் இருந்து பாடம் கற்றுக்கொண்டு, இதுபோன்ற நெருக்கடிகளை தடுக்க புதிய தீர்வுகளை உருவாக்க வேண்டும். தொற்று முடியும்வரை காத்திருக்கக்கூடாது. இவ்வாறு அவர் பேசினார்.

மக்கள் கருத்து

B@L@Jan 25, 2022 - 03:36:07 PM | Posted IP 162.1*****

பில்கேட்ஸ் மனசு வச்சா நாளைக்கே எல்லாம் முடிந்து விடும் ....

adaminJan 25, 2022 - 02:14:00 PM | Posted IP 162.1*****

medicine companies irukra vara athu mudiyathuda sonna payale

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

கரோனாவுக்கு இந்த ஆண்டே முடிவு கட்டலாம்: உலக சுகாதார அமைப்பு தலைவர் நம்பிக்கை!

» செய்திகள் - விளையாட்டு » உலகம்