» செய்திகள் - விளையாட்டு » உலகம்
இலங்கை பிரதமராக மகிந்த ராஜபட்ச பதவியேற்பு: இந்திய பிரதமர் மோடி வாழ்த்து
வியாழன் 21, நவம்பர் 2019 4:43:08 PM (IST)
இலங்கையின் புதிய பிரதமராக மகிந்த ராஜபட்ச இன்று (வியாழக்கிழமை) பதவியேற்றுக்கொண்டார்.

இதையடுத்து, ரணில் விக்ரமசிங்கே இன்று முறைப்படி பதவியில் இருந்து விலகினார். இதைத்தொடர்ந்து, புதிய பிரதமராக மகிந்த ராஜபட்ச பதவியேற்றுக்கொண்டார். இதன்மூலம் இலங்கையின் முழு அதிகாரமும் தற்போது, விடுதலைப் புலிகளுடனான இறுதிகட்டப் போரை இரக்கமற்ற முறையில் நடத்தியதாகக் குற்றம் சாட்டப்படும் ராஜபட்ச சகோதரர்கள் கையில் மீண்டும் வந்துள்ளது என்பது குறிப்பிடத்தக்கது.
ஏற்கெனவே, பிரதமர் விக்ரமசிங்கவை பதவியிலிருந்து அகற்றிவிட்டு மகிந்த ராஜபட்சவை முன்னாள் அதிபர் மைத்ரிபால சிறீசேனா கடந்த ஆண்டு அக்டோபர் மாதம் 26-ஆம் தேதி பிரதமராக நியமித்தார். எனினும், அந்த முடிவுக்கு எதிராக உச்சநீதிமன்றம் தீர்ப்பு வழங்கியதையடுத்து, ராஜபட்ச தனது பதவியை ராஜிநாமா செய்தார். கடந்த 2005-ஆம் ஆண்டு முதல் 2015-ஆம் ஆண்டு வரை அதிபராகப் பொறுப்பு வகித்த மகிந்த ராஜபட்ச, தெற்காசியாவில் மிக நீண்ட காலம் அதிபர் பொறுப்பை வகித்தவர் ஆவார். அத்துடன், தனது 24-ஆவது வயதில் (1970-ஆம் ஆண்டு) நாடாளுமன்ற உறுப்பினரான அவர்தான், இலங்கையில் அந்தப் பொறுப்பை ஏற்ற மிக இளைய வயதினர் ஆவார்.
பிரதமர் மோடி வாழ்த்து
இந்நிலையில், இலங்கையின் புதிய பிரதமராக பதவியேற்றுக் கொண்ட மகிந்த ராஜபக்சேகேவுக்கு இந்திய பிரதமர் மோடி வாழ்த்துக்களை தெரிவித்தார். இதுதொடர்பாக அவர் டுவிட்டரில் வெளியிட்டுள்ள செய்தியில். இலங்கையின் புதிய பிரதமராக பொறுப்பேற்றுள்ள மகிந்த ராஜபக்சேவுக்கு வாழ்த்துக்கள் என பதிவிட்டுள்ளார்.
மக்கள் கருத்து
மேலும் தொடரும் செய்திகள்

நாடு திரும்பிய ரஷிய எதிர்க்கட்சி தலைவர் நவால்னி கைது: அமெரிக்கா உள்ளிட்ட நாடுகள் கண்டனம்
செவ்வாய் 19, ஜனவரி 2021 11:50:31 AM (IST)

அமெரிக்க நாடாளுமன்றத்துக்குள் துப்பாக்கியுடன் நுழைய முயன்ற நபரால் பரபரப்பு
திங்கள் 18, ஜனவரி 2021 8:55:44 AM (IST)

இந்தோனேசியாவில் பயங்கர நிலநடுக்கம் : கட்டிட இடிபாடுகளில் சிக்கி 26 பேர் பலி
சனி 16, ஜனவரி 2021 9:18:20 AM (IST)

பாகிஸ்தானில் ஜன.18 முதல் பள்ளிகள் மீண்டும் திறப்பு - அரசு அறிவிப்பு
வெள்ளி 15, ஜனவரி 2021 6:50:44 PM (IST)

அமெரிக்க அதிபர் டிரம்பை பதவி நீக்கம் செய்யும் தீர்மானம்: துணை அதிபர் மைக் பென்ஸ் நிராகரிப்பு
புதன் 13, ஜனவரி 2021 5:06:39 PM (IST)

மீண்டும் முள்ளிவாய்க்கால் நினைவு சின்னம்: துணை வேந்தர் உறுதி - மாணவர்கள் போராட்டம் வாபஸ்
திங்கள் 11, ஜனவரி 2021 10:54:09 AM (IST)
