செங்கோட்டையன் பற்றி கருத்து சொல்வதற்கு ஒன்றுமில்லை: எடப்பாடி பழனிசாமி காட்டம்!

செங்​கோட்​டையன்  அதி​முக​வில் இருந்து நீக்​கப்​பட்​ட​வர் என்​ப​தால் அவரைப் பற்றி கருத்து சொல்​வதற்கு ஒன்​றுமில்​லை" என்று அதி​முக பொதுச்​செய​லா​ளர் எடப்பாடி பழனி​சாமி செய்​தி​யாளர்​கள் கேள்விக்கு பதில் அளித்​தார்.

அதி​முக​வில் இருந்து நீக்​கப்​பட்ட முன்​னாள் அமைச்​சர் செங்​கோட்​டையன் நேற்று விஜய் முன்​னிலை​யில், தவெக​வில் இணைந்​தார். இந்​நிலை​யில் அதி​முக​வில் சமீபத்​தில் இணைந்த ராம​நாத​புரம் சமஸ்​தான இளைய மன்​னர் நாகேந்​திர சேதுபதி திருமண விழா மதுரை​யில் நடந்​தது. இந்த திருமண நிகழ்ச்​சி​யில் பங்​கேற்க அதி​முக பொதுச்​செய​லா​ளர் கே.பழனி​சாமி நேற்று மதுரை வந்​தார்.

செங்​கோட்​டையன் தவெக​வில் இணைந்​தநிலை​யில் பழனி​சாமி மதுரை வந்​த​தால், அவரை பார்க்க ஏராள​மான அதி​முக தொண்​டர்​கள் திரண்​டனர். மதுரை மாவட்ட முன்​னாள் அமைச்​சர்​கள் செல்​லூர் கே.​ராஜூ, ஆர்​பி.உதயகு​மார், அமைப்பு செய​லா​ளர் விவி.​ராஜன் செல்​லப்பா ஆகியோர் தலை​மை​யில் கட்​சி​யினர் பிரம்​மாண்ட வரவேற்பு அளித்​தனர்.

திருமண விழாவுக்கு வந்த பழனி​சாமி​யிடம் செய்​தி​யாளர்​கள், செங்​கோட்​டையன் தவெக​வில் இணைந்​தது பற்றி கேள்வி எழுப்​பினர். அதற்கு அவர், "என்​னிடம் ஏன் கேட்​கிறீர்​கள். அதை அவரிடமே கேளுங்​கள். அவர் எந்​தக் கட்​சி​யில் சேர்ந்​தால் எங்களுக்கு என்ன? அவர் அதி​முக​வில் இல்​லை. அதனால், அதற்கு பதில் சொல்ல அவசி​யமில்​லை” என்று காட்​ட​மாக பதில் கூறி​னார்.

தொடர்ந்து செய்​தி​யாளர்​கள், ‘நான் என்று ஒரு​வன் நினைத்​தால் ஆண்​ட​வன், தான் என்று தண்​டித்து விடு​வார், இறைவன் கண்​காணித்து கொண்​டிருக்​கிறார்’ என்று மறை​முக​மாக உங்​களை செங்​கோட்​டையன் குற்​றம் சொல்​லி​யிருக்​கிறா​ரா?’ என்று கேட்​டனர். அதற்​கு, அவர், "ஒரு​வர் கருத்​தில் மற்​றொரு​வர் தலை​யிட முடி​யாது. மேலும், ஒவ்​வொரு​வருக்​கும் ஒரு கருத்து உள்​ளது. அவர் அதி​முக​வில் இருந்து நீக்​கப்​பட்​ட​வர் என்​ப​தால் அவரைப் பற்றி கருத்து சொல்​வதற்கு ஒன்​றுமில்​லை, ” என்​று கூறி சென்​றார்.