» சினிமா » செய்திகள்
தமிழ் பேசுபவர்கள் கெட்டவர்களா? சுஹாசினியின் கருத்துக்கு அமீர் பதிலடி
புதன் 4, மே 2022 12:18:20 PM (IST)
"இந்தி பேசுபவர்கள் நல்லவர்கள்" என்ற சுஹாசினியின் கருத்துக்கு, "தமிழ் பேசுபவர்கள் கெட்டவர்களா" என இயக்குநர் அமீர் பதிலடி கொடுத்துள்ளார்.
நடிகை சுஹாசினி சமீபத்தில் அளித்த பேட்டி ஒன்றில் இந்தி பேசுபவர்கள் நல்லவர்கள் என்று கருத்து தெரிவித்திருந்தார். இதையடுத்து "தமிழ் பேசுபவர்கள் கெட்டவர்களா" என இயக்குநர் அமீர் கேள்வி எழுப்பியுள்ளார்.
மேலும் அவர் "இந்தி பேச வேண்டும் என்பது பாசிசம். கலைக்கு மொழி தடை கிடையாது. தமிழ் சினிமா கலைஞர்கள் வெளி மாநிலங்களில் தமிழ் தொடர்பாக பேசுவதில்லை.
ஏனென்றால், அது அவர்களுக்கு கிடைக்கும் வாய்ப்பை பறிபோக வைக்கும் என்ற அச்சம். தமிழ் சினிமாவில் உச்சநடிகர்கள் தங்களின் வியாபாரம் பாதிக்கப்படும் என்பதற்காக மொழி பிரச்சனைகள் குறித்து வெளிப்படையாக பேசுவதில்லை. இது அவர்களை நேசிக்கும் அந்த மொழி ரசிகர்களுக்கு செய்யும் துரோகமே" என்றார்.