» செய்திகள் - விளையாட்டு » விளையாட்டு

இங்கிலாந்து தொடர்கள்: இந்திய ஒருநாள், டி20 அணிகள் அறிவிப்பு

வெள்ளி 1, ஜூலை 2022 12:11:42 PM (IST)

இங்கிலாந்தில் ஒருநாள், டி20 தொடர்களில் விளையாடவுள்ள இந்திய அணி அறிவிக்கப்பட்டுள்ளது.

இந்திய அணி இங்கிலாந்துக்குச் சுற்றுப்பயணம் செய்து ஒரு டெஸ்ட், 3 ஒருநாள், 3 டி20 ஆட்டங்களில் விளையாடுகிறது. கடந்த வருடம் ரத்தான 5-வது டெஸ்ட், இன்று (ஜூலை 1) தொடங்குகிறது. 3 ஆட்டங்கள் கொண்ட டி20 தொடர் ஜூலை 7 அன்றும் 3 ஆட்டங்கள் கொண்ட ஒருநாள் தொடர் ஜூலை 12 அன்றும் தொடங்குகின்றன. 

ஒருநாள், டி20 தொடர்களுக்கான இந்திய அணி அறிவிக்கப்பட்டுள்ளது. கரோனா காரணமாக 5-வது டெஸ்டில் இடம்பெறாத கேப்டன் ரோஹித் சர்மா, ஒருநாள் மற்றும் டி20 தொடர்களில் கேப்டனாகச் செயல்படவுள்ளார். 5-வது டெஸ்டில் இடம்பெற்றுள்ள கோலி, ஷ்ரேயஸ் ஐயர், ரிஷப் பந்த், பும்ரா, ஜடேஜா ஆகியோர் முதல் டி20-யில் மட்டும் விளையாட மாட்டார்கள். 2-வது மற்றும் 3-வது டி20 ஆட்டங்களில் ருதுராஜ், சஞ்சு சாம்சன், வெங்கடேஷ் ஐயர், ராகுல் திரிபாதி, அர்ஷ்தீப் சிங் ஆகியோருக்கு இடமளிக்கப்படவில்லை. அதேபோல வேகப்பந்து வீச்சாளர் ஷமி டி20 அணியில் இடம்பெறவில்லை. உம்ரான் மாலிக், தீபக் ஹூடா ஆகிய இருவரும் டி20 அணியில் உள்ளார்கள்.  

ஒருநாள் அணியில் அர்ஷ்தீப் சிங், ஷிகர் தவன், பாண்டியா, ஜடேஜா, ஷர்துல் தாக்குர், அக்‌ஷர் படேல் ஆகியோரும் இடம்பெற்றுள்ளார்கள். காயம் காரணமாக தீபக் சஹார், குல்தீப் யாதவ் அணியில் இடம்பெறவில்லை.

இந்திய டி20 அணி: ரோஹித் சர்மா (கேப்டன்), இஷான் கிஷன், கோலி, சூர்யகுமார் யாதவ், தீபக் ஹூடா, ஷ்ரேயஸ் ஐயர், தினேஷ் கார்த்திக், ரிஷப் பந்த், பாண்டியா, ஜடேஜா, சஹால், அக்‌ஷர் படேல், பிஷ்னாய், பும்ரா, புவனேஸ்வர் குமார், அவேஷ் கான், ஹர்ஷல் படேல், உம்ரான் மாலிக்.

(முதல் டி20 ஆட்டத்தில் மட்டும் ருதுராஜ், சஞ்சு சாம்சன், வெங்கடேஷ் ஐயர், ராகுல் திரிபாதி, அர்ஷ்தீப் சிங் ஆகியோர் இடம்பெற்றுள்ளார்கள்.)

இந்திய ஒருநாள் அணி: ரோஹித் சர்மா (கேப்டன்), ஷிகர் தவன், இஷான் கிஷன், கோலி, சூர்யகுமார் யாதவ், ஷ்ரேயஸ் ஐயர், ரிஷப் பந்த், பாண்டியா, ஜடேஜா, ஷர்துல் தாக்குர், சஹால், அக்‌ஷர் படேல், பும்ரா, பிரசித் கிருஷ்ணா, ஷமி, சிராஜ், அர்ஷ்தீப் சிங். 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads



Thoothukudi Business Directory