» செய்திகள் - விளையாட்டு » விளையாட்டு
தேசிய ஜூனியர் ஆக்கி: உத்தரபிரதேசம், சண்டிகர் அணிகள் அரை இறுதிக்கு தகுதி!
வியாழன் 26, மே 2022 7:22:31 AM (IST)
தேசிய ஜூனியர் ஆக்கி போட்டியில் உத்தரபிரதேசம், சண்டிகர் அணிகள் அரை இறுதிக்கு தகுதி பெற்றன.
கோவில்பட்டி கிருஷ்ணாநகர் அரசு செயற்கை புல்வெளி மைதானத்தில் தேசிய ஜூனியர் ஆண்கள் ஆக்கி போட்டி கடந்த 17-ந்தேதி தொடங்கி நடைபெற்று வருகிறது. 9-வது நாளான நேற்று கால் இறுதி போட்டிகள் நடந்தது. முதலாவது கால் இறுதி போட்டியில் உத்தரபிரதேச அணி 6-1 என்ற கோல் கணக்கில் கர்நாடக அணியை வீழ்த்தி அரை இறுதிக்கு தகுதி பெற்றது. ஆட்டநாயகனாக உத்தரபிரதேச அணி வீரர் சர்தானந்த திவாரி தேர்வு செய்யப்பட்டார்.
2-வது கால் இறுதி போட்டியில் சண்டிகர் அணி 4-2 என்ற கோல் கணக்கில் ஜார்கண்ட் அணியை வென்று அரை இறுதிக்குள் நுழைந்தது. ஆட்டநாயகனாக சண்டிகர் அணி வீரர் ராமன் தேர்வானார். 3-வது கால் இறுதி போட்டியில் ஹரியானா அணி 13-1 என்ற கோல் கணக்கில் அருணாசலபிரதேச அணியை துவம்சம் செய்து அரை இறுதிக்கு தகுதி பெற்றது.