» செய்திகள் - விளையாட்டு » விளையாட்டு

தென் ஆப்பிரிக்க தொடரில் இந்திய அணி படுதோல்வி ஏன்? பயிற்சியாளர் ராகுல் டிராவிட்விளக்கம்!

திங்கள் 24, ஜனவரி 2022 3:10:30 PM (IST)



தென் ஆப்பிரிக்காவுக்கு எதிரான தொடரின் மோசமான தோல்வி குறித்து இந்திய அணியின் தலைமைப் பயிற்சியாளர் ராகுல் டிராவிட் விளக்கமளித்துள்ளார்.

தென் ஆப்பிரிக்காவுக்கு எதிரான ஒருநாள் கிரிக்கெட் தொடரில் 3-0 என ஒயிட்வாஷ் தோல்வியை சந்தித்துள்ளது இந்திய அணி. இந்தத் தோல்வி குறித்து பேசியுள்ள பயிற்சியாளர் ராகுல் டிராவிட், "உண்மையை ஒப்புக்கொள்ள வேண்டும் என்றால், நம்மிடம் சமநிலையான பிளேயிங் லெவன் இல்லை. வழக்கமாக 6, 7 மற்றும் 8-ம் இடத்தில் விளையாடும் ஆல்-ரவுண்டர்கள் ஹர்திக் பாண்டியா, ஜடேஜா போன்ற வீரர்கள் காயத்தில் உள்ளனர். 

அவர்கள் மீண்டும் வரும்போது அணி இன்னும் சற்று வித்தியாசமானதாக இருக்கும். அணி சமநிலை பெறும். கேப்டன்சியை பொறுத்தவரை, கே.எல்.ராகுல் சிறப்பாகவே செயல்பட்டார். ராகுலுக்கு கேப்டனாக முதல் தொடர் இதுதான். எந்த மாதிரியான கேப்டனுக்கும் முதல் தொடர் என்பது சவால் அளிக்கக் கூடியதே. ஆனால், ராகுல் சிறப்பாகவே செயல்பட்டார் என நான் நினைக்கிறேன். கேப்டன் பதவி என்பது வீரர்களின் திறனை வெளிக்கொண்டு வருவதே ஆகும். தவறுகளை சரிசெய்து கொண்டு, வரும் காலங்களில் சிறந்த கேப்டனாக ராகுல் செயல்படுவார் என நம்புவோம்.

தோல்வி எப்போதும் வேதனையை கொடுக்கும். சேஸிங் செய்த இரண்டு போட்டிகளிலும் 30 ஓவர் வரை வெற்றிப் பாதையிலேயே அணி இருந்தது. ஆனால், வீரர்களின் மோசமான ஷாட் தேர்வுகள் தோல்வியை நோக்கி அழைத்துச் சென்றது. முக்கியமான தருணங்களில் ஸ்மார்ட்டாக சிந்திக்கத் தவறிவிட்டனர். இந்தத் தோல்வி எங்களுக்கு ஒரு 'Eye Opener' ஆக இருக்கும். கடந்த சில மாதங்களில் அதிக ஒருநாள் தொடர்களை நாங்கள் விளையாடவில்லை. 

மார்ச் மாதம் இங்கிலாந்துக்கு எதிராக விளையாடியதுதான் அணியின் கடைசி ஒருநாள் தொடர். ஆனால், 2023 உலகக் கோப்பைக்கு முன்னதாக அதிக ஒருநாள் போட்டிகளில் விளையாடினால் மட்டுமே அணியின் அடுத்தகட்ட அணுகுமுறை குறித்து யோசிக்க முடியும். உலகக் கோப்பைக்கு தயாராக காலக்கெடு வைக்க முடியாது. என்றாலும், நாட்கள் நெருங்க நெருங்க அணிக்கு தேவையானதை சரியாகச் செய்வோம் என்று நம்புகிறோம்" என்று திராவிட் விளக்கம் அளித்துள்ளார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads



Thoothukudi Business Directory