» செய்திகள் - விளையாட்டு » தமிழகம்
தமிழக அரசின் பட்ஜெட் ஆகஸ்ட் 5-இல் தாக்கல் : சபாநாயகர் ஜே.சி.டி.பிரபாகர் அறிவிப்பு!
செவ்வாய் 21, ஜூலை 2026 12:25:51 PM (IST)
தமிழக அரசின் 2026-27-ஆம் ஆண்டிற்கான பொது பட்ஜெட் வரும் ஆகஸ்ட் 5-ஆம் தேதியும், வேளாண் பட்ஜெட் ஆகஸ்ட் 6-ஆம் தேதியும் சட்டசபையில் தாக்கல் செய்யப்படும் எனச் சபாநாயகர் ஜே.சி.டி.பிரபாகர் அறிவித்துள்ளார்.
சென்னைத் தலைமைச் செயலகத்தில் செய்தியாளர்களைச் சந்தித்த சபாநாயகர் ஜே.சி.டி.பிரபாகர் தெரிவித்ததாவது: "தமிழகச் சட்டசபைக் கூட்டம் ஆகஸ்ட் 5-ஆம் தேதி காலை 10 மணிக்குத் தொடங்குகிறது. அன்றைய தினம் 2026-27-ஆம் ஆண்டிற்கான பொது பட்ஜெட் தாக்கல் செய்யப்படவுள்ளது. மறுநாள் (ஆகஸ்ட் 6) வேளாண் பட்ஜெட் தாக்கல் செய்யப்படுகிறது.
பட்ஜெட் மீதான விவாதத்தை எத்தனை நாட்கள் நடத்துவது என்பது குறித்து அலுவல் ஆய்வுக் குழுவுக் (BAC) கூட்டத்தில் முடிவெடுக்கப்படும். சட்டசபைக் கூட்டத்தொடரின் முதல் நாளில் நிதியமைச்சர் மரிய வில்சன் 2026-27-ஆம் ஆண்டிற்கான நிதிநிலை அறிக்கையைத் தாக்கல் செய்து உரையாற்றுவார். ஆகஸ்ட் 6-ஆம் தேதி வேளாண்மைத் துறை அமைச்சர் வினோத் வேளாண் நிதிநிலை அறிக்கையைத் தாக்கல் செய்வார்.
அதனைத் தொடர்ந்து பட்ஜெட் மீதான விவாதமும், அமைச்சர்களின் பதிலுரையும் இடம்பெறும். விவாதங்கள் நிறைவடைந்த பின் துறை வாரியான மானியக் கோரிக்கைகள் மீதான விவாதம் நடைபெறும்.
புதிய அரசின் முதல் பட்ஜெட் இது என்பதால், தேர்தல் அறிக்கையில் அளிக்கப்பட்ட வாக்குறுதிகள் தொடர்பான முக்கிய அறிவிப்புகள் இடம்பெறும் என எதிர்பார்க்கப்படுகிறது. குறிப்பாக மகளிர் உரிமைத் தொகையை ரூ.2,500-ஆக உயர்த்தி வழங்குவது குறித்த அறிவிப்பு இப் பட்ஜெட்டில் இடம்பெறுமா என்ற எதிர்பார்ப்பு பொதுமக்கள் மத்தியில் எழுந்துள்ளது.
மக்கள் கருத்து
மேலும் தொடரும் செய்திகள்
16 வயதுக்குட்பட்டோருக்கு சமூக வலைத்தளத் தடை : தமிழக முதல்வருக்கு எழுத்தாளர் கோரிக்கை!
சனி 8, ஆகஸ்ட் 2026 5:13:40 PM (IST)
பள்ளி ஆசிரியைக்கு பாலியல் தொல்லை கொடுத்த நபர் கைது; பொதுமக்கள் பிடித்துப் போலீசில் ஒப்படைப்பு!
சனி 8, ஆகஸ்ட் 2026 4:59:44 PM (IST)
சென்னை உயர் நீதிமன்றத்திற்கு 15 புதிய நீதிபதிகள் நியமனம்: முதலமைச்சர் விஜய் வாழ்த்து!
சனி 8, ஆகஸ்ட் 2026 12:48:03 PM (IST)
பழநியில் ரூ.100 கோடி கோவில் நில மோசடி: கைதான வழக்கறிஞர் சிறையில் உயிரிழப்பு!
சனி 8, ஆகஸ்ட் 2026 12:39:13 PM (IST)
தூத்துக்குடி சிவன் கோவிலில் சிலை திருட்டு தடுப்புப் பிரிவு அதிகாரிகள் அதிரடி ஆய்வு!
சனி 8, ஆகஸ்ட் 2026 10:28:31 AM (IST)
வீடு புகுந்து இளம்பெண்ணிடம் பாலியல் சீண்டல்; பள்ளி வேன் டிரைவர் சிறையில் அடைப்பு!
சனி 8, ஆகஸ்ட் 2026 10:19:56 AM (IST)
தூத்துக்குடி தனசேகர் நகரில் டாஸ்மாக் தொல்லை: மதுப்பிரியர்களின் அட்டகாசத்தால் பொதுமக்கள் அவதி!
சனி 8, ஆகஸ்ட் 2026 8:45:15 AM (IST)
Sponsored Ads
