ஜெயலலிதா நினைவு தினம்: எடப்பாடி பழனிசாமி, ஓபிஎஸ், சசிகலா மரியாதை!

மறைந்த முன்னாள் முதல் அமைச்சர் ஜெயலலிதாவின் 6-வது ஆண்டு நினைவு தினம் அனுசரிக்கப்படுகிறது. இதையொட்டி சென்னை மெரினா கடற்கரையில் உள்ள ஜெயலலிதா நினைவிடத்தில் அதிமுக இடைக்கால பொதுச்செயலாளர் எடப்பாடி பழனிசாமி மலர் தூவி மரியாதை செலுத்தினார்.  பின்னர் எடப்பாடி பழனிசாமி தலைமையில் அ.தி.மு.க.வினர் நினைவு உறுதிமொழி ஏற்றனர். 

அப்போது எடப்பாடி பழனிசாமி உறுதிமொழி வாசிக்கும்போது, அதில் தி.மு.க.வை தாக்கியும், நாடாளுமன்ற தேர்தலில் அ.தி.மு.க. மகத்தான வெற்றி பெறும் என்றும், துரோகிகளை தூள்தூளாக்குவோம் என்பன போன்ற வரிகளை குறிப்பிட்டார். அவருடன் அதிமுக முன்னாள் அமைச்சர்கள் செங்கோட்டையன், ஜெயக்குமார் , கேபி முனுசாமி உள்ளிட்டோரும் மரியாதை செலுத்தினர். நினைவு தினத்தை அனுசரிக்கும் வகையில் அதிமுக தலைவர்கள் கருப்பு சட்டை அணிந்து இருந்தனர்.