» செய்திகள் - விளையாட்டு » தமிழகம்
தமிழக வாழ்வுரிமை கட்சி வேல்முருகனின் முன்னாள் மனைவி காயத்ரி பாஜகவில் இணைந்தார்!
செவ்வாய் 17, மே 2022 11:53:42 AM (IST)
தமிழக வாழ்வுரிமை கட்சி நிறுவனத் தலைவர் பண்ருட்டி வேல்முருகனின் முன்னாள் மனைவி காயத்ரி பாஜகவில் இணைந்துள்ளார்.
தமிழக பாஜக மாநில தலைமையகமான கமலாலயத்தில் மாநிலத் தலைவர் அண்ணாமலை முன்னிலையில் பாட்டாளி மக்கள் கட்சி மாநில துணை தலைவர் செந்தில்குமார், திண்டுக்கல் பாமக மாவட்ட செயலாளர் வழக்கறிஞர் ரவிச்சந்திரன், தமிழக வாழ்வுரிமைக் கட்சியின் நிறுவனர் வேல்முருகனின் விவாகரத்து பெற்ற மனைவி காயத்ரி, அதிமுக ஒன்றிய கவுன்சிலர் பிரவீன்குமார், செங்கல்பட்டு மாவட்டம் மற்றும் நூற்றுக்கணக்கானவர்கள் பாஜகவில் தங்களை இணைத்து கொண்டனர். தமிழக வாழ்வுரிமை கட்சி நிறுவனத் தலைவர் வேல்முருகனின் முன்னாள் மனைவி காயத்ரி பாஜகவில் இணைந்து அரசியல் வட்டாரத்தில் பரபரப்பை ஏற்படுத்தியுள்ளது.