» செய்திகள் - விளையாட்டு » தமிழகம்
நவம்பர் 25 முதல் ஐந்து ரயில்களில் முன்பதிவில்லாத ரயில் பெட்டிகள் : தெற்கு ரயில்வே தகவல்
வெள்ளி 19, நவம்பர் 2021 9:28:40 PM (IST)
நவம்பர் 25 முதல் வைகை, பல்லவன், பாலருவி, அந்தியோதயா மற்றும் புனலூர் விரைவு ரயில்களில் நவம்பர் 25 முதல் முன்பதிவில்லாத ரயில் பெட்டிகள் இணைக்கப்பட இருக்கின்றன.
இது குறித்து தெற்கு ரயில்வே வெளியிட்ட செய்திக்குறிப்பில், வண்டி எண் 12636/12635 மதுரை - சென்னை - மதுரை வைகை விரைவு ரயில் மற்றும் வண்டி எண் 02606/02605 காரைக்குடி - சென்னை - காரைக்குடி பல்லவன் விரைவு ரயில் ஆகியவற்றில் 3 முன் பதிவில்லாத ரயில் பெட்டிகளும், வண்டி எண் 16191/16192 தாம்பரம் - நாகர்கோயில் - தாம்பரம் அந்தியோதயா விரைவு ரயிலில் 6 முன்பதிவில்லாத ரயில் பெட்டிகளும், வண்டி எண் 16791/16792 திருநெல்வேலி - பாலக்காடு - திருநெல்வேலி பாலருவி விரைவு ரயில்களில் 4 முன்பதிவில்லாத ரயில் பெட்டிகளும் மற்றும் வண்டி எண் 16729/16730 மதுரை - புனலூர் - மதுரை ரயில்களில் 4 முன்பதிவில்லாத ரயில் பெட்டிகளும் நவம்பர் 25 முதல் இணைக்கப்படுகின்றன என அறிவிக்கப்பட்டுள்ளது.