ஊருக்குள் குட்டிகளுடன் புகுந்த கரடியால் அச்சம் : களக்காடு அருகே பரபரப்பு

நெல்லை மாவட்டம் களக்காடு அருகே சிங்கிகுளத்தில் மூன்று குட்டிகளுடன் கரடி ஒன்று மாலை, இரவு நேரங்களில் விளைநிலங்களில் நடமாடி வருகிறது.இரவில் வயலுக்கு செல்வோர் இதனால் அச்சம் அடைந்துள்ளனர். 

கரடியிடமிருந்து பாதுகாப்பதற்காக ஊர் இளைஞர்கள் திரண்டு இரவு நேரத்தில் தீப்பந்தத்துடன் காவல் காக்கின்றனர். கரடி குட்டிகளுடன் நடமாடுவது குறித்து வனத்துறைக்கு தகவல் அளிக்கப்பட்டதையடுத்து, வனத்துறை அலுவலர்கள் அங்கு முகாமிட்டு கரடியை வனப்பகுதிக்குள் விரட்டுவதற்கான  முயற்சிகளை மேற்கொண்டனர். ஆனால் கரடிகளை விரட்ட முடியவில்லை.  கரடிகளை பிடிப்பதற்காக வனப்பகுதிக்குள் கூண்டு வைத்துள்ளனர் என்பது குறிப்பிடத்தக்கது.