» செய்திகள் - விளையாட்டு » மாவட்ட செய்தி (கன்னியாகுமரி)
குளத்தூா் டிஎம்எம் கல்லூரியில் கலை விழா போட்டி : தூத்துக்குடி ஏ.பி.சி., மகளிா் கல்லூரி வெற்றி
சனி 4, பிப்ரவரி 2023 5:35:36 PM (IST)
குளத்தூா் டி.எம்.எம். கல்லூரியில் நடைபெற்ற கலைவிழா போட்டிகளில் தூத்துக்குடி ஏ.பி.சி., மகளிா் கல்லூரி முதல் இடத்தை பெற்றது.
தூத்துக்குடி மாவட்டம், விளாத்திகுளம் அருகே குளத்தூர் டி.எம்.எம்., கலை மற்றும் அறிவியல் கல்லூரியில் 2023ஆம் ஆண்டுக்கான கல்லூரிகளுக்கு இடையிலான கலை விழா போட்டி நடந்தது. கல்லூரி இயக்குனர் கோபால் தலைமை வைத்து போட்டிகளை தொடங்கி வைத்தார். கல்லூரி முதல்வர் அன்பழகன் வரவேற்றார். இப்போட்டியில் தூத்துக்குடி ஏ.பி.சி., கல்லூரி, டான் போஸ்கோ கல்லூரி, திருநெல்வேலி சென்ட் ஜான்ஸ் கல்லூரி உள்ளிட்ட 13 கல்லூரி மாணவர்கள் கலந்து கொண்டனர்.
இதில், செவ்வியல் நடனம், செவ்வியல் குரலிசை, மெல்லிசைக் குரலிசை தனிநபா்குழு, தாளக் கருவி இசை, நாட்டுப்புறப்பாடல் குழு, நாட்டுப்புற நடனம், ஓவியம், ரங்கோலி என பத்து வகையானப் போட்டிகள் நடத்தப்பட்டன. இப்போட்டிகளில் அதிக புள்ளிகள்பெற்று தூத்துக்குடி ஏ.பி.சி., மகளிா் கல்லூரி முதல் இடத்தையும், சென்மேரிஸ் கல்லூரி இரண்டாவது இடத்தை பெற்றது. போட்டியில் கலந்து கொண்ட மாணவ மாணவிகளுக்கு பாராட்டு சான்றிதழ் வழங்கப்பட்டது.