தூத்துக்குடியில் வழக்கறிஞரின் பைக் திருட்டு : ரவுடி கைது!

தூத்துக்குடியில் வழக்கறிஞரின் பைக்கை திருடியதாக ரவுடியை போலீசார் கைது செய்தனர். 

இதுகுறித்து போலீஸ் தரப்பில் கூறப்படுவதாவது : தூத்துக்குடி பி அன் டி காலனியை சேர்ந்தவர் சுப்பையா மகன் பழனிவேல் ராஜன் (38). வழக்கறிஞர். இவர் தனது மோட்டார் பைக்கை 3வது மைல் பகுதியில் உள்ள கடை முன்பு நிறுத்திவிட்டு சென்றுள்ளார். திரும்பி வந்து பார்த்தபோது பைக் திருடுபோயிருந்தது. 

இதுகுறித்து அவர் தென்பாகம் காவல் நிலையத்தில் புகார் செய்தார். புகாரின் பேரில் சப்-இன்ஸ்பெக்டர் முத்து கணேஷ் வழக்குப்பதிவு செய்து விசாரணை நடத்தியதில் தூத்துக்குடி பிரையண்ட் நகர் 7வது தெருவைச் சேர்ந்த தனுஷ்கோடி மகன் கார்த்திக் (22) என்பவர் பைக்கை திருடியது தெரியவந்தது. இதையடுத்து போலீசார் அவரை கைது செய்தனர். அவர் ஏற்கனவே 7 வழக்குகளில் தொடர்புடைய ரவுடி என காவல்துறையினர் தெரிவித்துள்ளனர்.