» செய்திகள் - விளையாட்டு » மாவட்ட செய்தி (கன்னியாகுமரி)
மீனவர்கள் 16ம் தேதி வரை கடலுக்குச் செல்ல வேண்டாம் : ஆட்சியர்
புதன் 13, அக்டோபர் 2021 5:39:08 PM (IST)
தெற்கு வங்காள விரிகுடா, குமரிக்கடல் உள்ளிட்ட பகுதிகளில் பலத்த காற்று வீசக்கூடும் என்பதால் வருகிற 16ம் தேதி வரை மீனவர்கள் கடலுக்கு செல்லவேண்டாம் என அறிவுறுத்தப்பட்டுள்ளது.
இது தொடர்பாக குமரி மாவட்ட ஆட்சியர் அரவிந்த் வெளியிடட் செய்திக்குறிப்பு: 13.10.2021 அன்று தெற்கு வங்காள விரிகுடா, தென்கிழக்கு அரபிக்கடல், இலட்சத்தீவு, அந்தமான் கடற்பகுதி மற்றும் கேரள கடற்பகுதிகளில் 40-50 கி.மீ வேகம் வரை காற்று வீசுக்கூடும் எனவும், 14.10.2021 அன்று மன்னார் வளைகுடா, குமரி கடற்பகுதி, கேரள கடற்பகுதி, இலட்சத்தீவு மற்றும் மாலத்தீவு கடற்பகுதிகளில் 45-55 கி.மீ வேகம் வரை காற்று வீசுக்கூடும் எனவும்,
15.10.2021 மற்றும் 16.10.2021 ஆகிய இரண்டு நாட்களுக்கு தென்மேற்கு வங்காள விரிகுடா, குமரி கடற்பகுதி, மன்னார் வளைகுடா, தென்கிழக்கு அரபிக்கடல், இலட்சத்தீவு மற்றும் மாலத்தீவு கடற்பகுதிகளில் 45-55 கி.மீ வேகம் வரை காற்று வீசுக்கூடும் என்றும் இந்திய வானிலை ஆய்வு மையம் தெரிவித்துள்ளது. எனவே மேற்குறிப்பிட்ட நாட்களில் மேற்குறிப்பிட்ட பகுதிகளுக்கு மறு அறிவிப்பு வரும் வரை மீனவர்கள் மீன்பிடிக்க செல்ல வேண்டாம் என கன்னியாகுமரி மாவட்ட ஆட்சித்தலைவர் கேட்டுக் கொண்டுள்ளார்.