» செய்திகள் - விளையாட்டு » மாவட்ட செய்தி (கன்னியாகுமரி)

திட்டப்பணிகளை கண்காணிப்பு அலுவலர் ஆய்வு

வெள்ளி 16, ஆகஸ்ட் 2019 7:01:23 PM (IST)



கன்னியாகுமரி மாவட்டத்திற்கு வருகை தந்த  மாவட்ட கண்காணிப்பு அலுவலரும், வேலைவாய்ப்பு மற்றும் பயிற்சித்துறை இயக்குநருமான ஜோதிநிர்மலாசாமிஇன்று பல்வேறு திட்டப்பணிகளை ஆய்வு செய்தார்.

கன்னியாகுமரி மாவட்ட கண்காணிப்பு அலுவலரும், வேலைவாய்ப்பு மற்றும் பயிற்சித்துறை இயக்குநருமான ஜோதிநிர்மலாசாமி , மாவட்ட ஆட்சித்தலைவர் பிரசாந்த் மு.வடநேரே  ஆகியோர் தலைமையில் பல்வேறு துறைகளின் வளர்ச்சித்திட்ட பணிகள் குறித்த ஆய்வுக்கூட்டம் மாவட்ட ஆட்சியர் அலுவலகத்தில் இன்று (16.08.2019) நடைபெற்றது.நடைபெற்ற ஆய்வுக்கூட்டத்தில், பொதுப்பணித்துறை (நீர்;வள ஆதாரம்) மூலம் குடிமராமத்து பணிகளுக்காக ரூ.2.15 கோடி தற்போது நிதி ஒதுக்கீடு செய்யப்பட்டு, நடப்பாண்டில் 16 குளங்களில் சீரமைப்பு பணிகள் நடைபெற்று வருகிறது. 

கடந்த நிதியாண்டில் குடிமராமத்து பணிகளுக்காக  ரூ.5.83 கோடி நிதிஒதுக்கீடு செய்யப்பட்டு 39 குளங்களில் மராமத்து பணிகள் தொடர்ந்து நடைபெற்று முடியும் தருவாயில் உள்ளது. இத்திட்டபணிகளை விரைந்து செயல்படுத்துவதன் மூலம், பல ஹெக்டேர் பயிர்கள் பாசன வசதி பெறும். எனவே விரைந்து பணிகள் நடைபெறுவதற்கு சம்பந்தப்பட்ட அலுவலர்களுக்கு அறிவுறுத்தப்பட்டது. 

நமது மாவட்டத்தில் குடிநீர் தட்டுப்பாடு என்பது இல்லை. சில இடங்களில் குடிநீர் வழங்கக்கூடிய குழாய்கள் மற்றும் மோட்டார்கள் சீரமைத்து, தட்டுப்பாடின்றி குடிநீர் வழங்க அலுவலர்கள் உரிய நடவடிக்கை எடுக்க வேண்டும். கிராம ஊராட்சி மற்றும் பேருராட்சிக்குட்டப்பட்ட பகுதிகளில் பொதுமக்களின் தேவைக்காக ஆங்காங்கே ஆழ்குழாய் கிணறுகள் அமைத்து, குடிநீர் வழங்க நடவடிக்கை எடுக்கப்பட்டுள்ளது. 

இப்பணிகளை விரைந்து செயல்படுத்திட வேண்டும்.  சத்துணவு மற்றும் அங்கன்வாடி மையங்களில் சுத்திகரிக்கப்பட்ட குடிநீர் வசதிகள் ஏற்படுத்தி, கழிப்பிட வசதிகளை அமைத்து, மின்விளக்குகள்  பழுதடைந்தால் அதனை உடனடியாக சரிசெய்ய வேண்டுமென அறிவுறுத்தப்பட்டது.

நடைபெற்ற ஆய்வு கூட்டங்களில், கூடுதல் ஆட்சியர் (வளர்ச்சி) ராஹூல்நாத்  சார் ஆட்சியர்கள் (நாகர்கோவில்) விஷ்ணு சந்திரன்   (பத்மநாபபுரம்) ஷரண்யா அறி  மாவட்ட ஆட்சியரின் நேர்முக உதவியாளர் (பொது) சுகன்யா, மாவட்ட ஆட்சியரின் நேர்முக உதவியாளர் (விவசாயம்) குணபாலன் மற்றும் அனைத்துறை அலுவலர்கள் கலந்து கொண்டனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Anbu Communications

Sterlite Industries (I) Ltd



Thoothukudi Business Directory