வெள்ளை மாளிகையில் தீபாவளி பண்டிகை: அதிபர் ஜோ பிடன் மனையுடன் பங்கேற்பு!

தீபாவளி பண்டிகையொட்டி அமெரிக்க வெள்ளை மாளிகையில் அதிபர் ஜோ பிடன் தன் மனைவியுடன் குத்து விளக்கேற்றி தீபாவளியைக் கொண்டாடினார்.

அமெரிக்க அதிபர் ஜோ பிடன் தீபாவளிக்கு வாழ்த்து சொல்லியும் வெள்ளை மாளிகையில் தீபாவளி கொண்டாடிய புகைப்படத்தையும் ட்விட்டரில் வெளியிட்டார்.. அவர் வெளியிட்ட வாழ்த்துச் செய்தியில், "இருளில் இருந்து அறிவு, ஞானம் மற்றும் உண்மை உள்ளது என்பதை தீபாவளியின் ஒளி நமக்கு நினைவூட்டட்டும். பிரிவிலிருந்து ஒற்றுமை. விரக்தியிலிருந்து நம்பிக்கை. அமெரிக்காவிலும் உலகெங்கிலும் தீபாவளியைக் கொண்டாடும் இந்துக்கள், சீக்கியர்கள், ஜைனர்கள், பௌத்தர்கள், பொதுமக்கள் அனைவருக்கும் தீபாவளி வாழ்த்துகள்” என்று வாழ்த்துச் செய்தியில் ஜோ பிடன் தெரிவித்துள்ளார்..